Llyr Gruffydd AS Aelod o'r Senedd dros Ogledd Cymru

O'r chwith: Llyr Gruffydd, AS Gogledd Cymru, gyda Victoria Williams, rheolwr canolfan anifeiliaid Bryn-y-Maen a Billie-Jade Thomas o RSPCA Cymru

Mae'r argyfwng costau byw yn effeithio ar bob agwedd bywyd gan gynnwys anifeiliaid anwes, yn ôl MS yng ngogledd Cymru.

Ymwelodd Llŷr Gruffydd, Aelod o Senedd Plaid Cymru dros y gogledd, â chanolfan anifeiliaid Bryn-y-Maen y RSPCA, ger Bae Colwyn, lle mae 150 anifail yn derbyn gofal ar hyn o bryd. Maent yn amrywio o lygod mawr i bysgod yn ogystal ag amrywiaeth o gathod a chŵn.

Fe wnaeth Mr Gruffydd â Billie-Jade Thomas o'r RSPCA cyfarfod a rheolwr y ganolfan, Victoria Williams, a chlywodd sut mae'r ganolfan yn gweld cynnydd o anifeiliaid yn cael eu gadael oherwydd bod costau cynyddol ac amgylchiadau personol perchnogion yn newid.

Dywedodd: "Mae'r pwysau ar y ganolfan yn cynyddu oherwydd amryw resymau, gan gynnwys yr argyfwng costau byw. Mae'r ganolfan, sydd mewn capasiti, yn gorfod cartrefi  anifeiliaid o bob math o amgylchiadau amrywiol. Mewn rhai amgylchiadau, bydd anifeiliaid yn cael eu cymryd oddi wrth eu perchnogion oherwydd nad ydynt yn gallu gofalu amdanynt ac efallai y bydd rhai hyd yn oed yn destun achos troseddol.

"Roedd yn galonogol clywed bod yr anifeiliaid yn cael y gofal gorau posibl wrth iddynt aros i gael eu hailgartrefu ond mae'n destun pryder bod achosion cynyddol o anifeiliaid yn dod i Fryn-y-Maen angen cymorth ymddygiadol a chefnogaeth arbenigol oherwydd y diffyg gofal y maent wedi'u dderbyn. Mewn un achos, bu'n rhaid achub 110 o lygod mawr o un eiddo yn Lloegr a bu'n rhaid ailgartrefu rhai o'r rheini yma. Mae'n eithaf syfrdanol yr amrywiaeth o anifeiliaid y mae'r tîm yn delio â nhw ym Mryn-y-Maen fel rhan o rwydwaith ehangach y RSPCA ac rwy'n dymuno'r gorau iddynt wrth ddelio â materion yn y dyfodol."