Llyr Gruffydd AS Aelod o'r Senedd dros Ogledd Cymru

Mae Aelod o'r Seneddol rhanbarthol Plaid Cymru wedi cysylltu â phob cyngor cymunedol yng ngogledd Cymru i asesu problemau halogi carthffosiaeth yn lleol.

Daw hyn ar ôl cwynion am orlifo carthion ym mhentref Capel Curig y llynedd.

Datgelodd Dŵr Cymru fod 3,000 o gymunedau yng Nghymru yn wynebu problemau tebyg ac nad oedd Capel Curig hyd yn oed yn y 500 uchaf - er gwaethaf carthffosiaeth ddynol amrwd yn llifo i lawr prif ffordd y pentref ac i'r afon gyfagos ar anterth yr haf.

Dywedodd yr AS Llyr Gruffydd: "Roedd y broblem yng Nghapel Curig yn ddigon drwg ond roedd cael gwybod gan Ddŵr Cymru, mewn ffordd eithaf ffwrdd â hi, bod 500 o gymunedau wedi cael eu heffeithio'n waeth yng Nghymru yn eithaf ysgytwol. Rwy'n gobeithio bod cynghorau cymunedol yn gallu darparu mwy o fanylion o ran mannau problemus carthion - er gwaethaf ceisiadau nid yw Dŵr Cymru wedi darparu rhestr gynhwysfawr. "