Llyr Gruffydd AS Aelod o'r Senedd dros Ogledd Cymru

'Pam mae gweithwyr Cymru yn cael eu talu llai na'u cymheiriaid yn Lloegr?'

Mae MS Gogledd Cymru Plaid Cymru wedi annog Arriva Bus Cymru i setlo’r streic gyda 400 o yrwyr bysiau ledled y Gogledd, sydd bellach yn dechrau ar ei drydydd diwrnod.

Cafodd y streic ei galw gan yrwyr bysiau o undeb Unite ar ôl i’r cwmni wrthod paru ei gynnig yng Nghymru gyda’r cynnig 39c a wnaeth i yrwyr bysiau yng ngogledd-orllewin Lloegr.

Dywedodd Llyr Gruffydd: "Mae hwn yn streic nad oes angen iddo ddigwydd. Mae Arriva wedi cynnig codiad cyflog o 39c yr awr i'w gweithlu yn Lloegr tra yng Nghymru mae'n cynnig yn 29c yr awr. Mae'r gwahaniaeth cyflog bellach yn £2.20 yr awr rhwng staff Cymru a gogledd-orllewin Lloegr. A all rhywun yn y cwmni esbonio i mi pam eu bod yn talu cyn lleied i weithwyr Cymru? Nid oes unrhyw gyfiawnhad ac mae'n gwbl ddealladwy bod gyrwyr bysiau yn teimlo nad oes ganddyn nhw ddewis arall ond gweithredu.

"Mae'r rhain yn weithwyr allweddol a gafodd eu canmol yn ystod y cyfnod clo fel arwyr. Wel, gadewch i ni eu trin fel arwyr a rhoi codiad cyflog iawn iddyn nhw a gweithwyr allweddol eraill.

"Rwy'n gwybod bod y streic wedi taro'n galed o ran pobl yn methu â chyrraedd y gwaith, i'r coleg a theithiau eraill. Bydd yn taro busnesau sy'n dibynnu ar bobl sy'n teithio ar fws felly dyna pam rwy'n annog Bws Arriva i fynd yn ôl rownd y bwrdd i ddatrys y streic hon cyn gynted â phosib. "

Mae'r streic wedi effeithio ar wasanaethau bysiau ledled y Gogledd a'r bwriad yw parhau'r gweithredu tan Ragfyr 19eg oni bai bod penderfyniad arall. Mae Arriva Bus Cymru yn eiddo i Deutsche Bahn, y cwmni rheilffordd sy'n eiddo i'r wladwriaeth yn yr Almaen.