Llyr Gruffydd AS Aelod o'r Senedd dros Ogledd Cymru

Mae AS wedi cefnogi’r galw am greu hwb bancio yn Ninbych yn sgil nifer o fanciau yn cau eu drysau yn y dre.

Dywedodd Llŷr Gruffydd, sydd yn cynrychioli Gogledd Cymru yn y Senedd, bod pobl lleol wedi cael eu gadael “heb fynediad i’r gwasanaethau bancio mae nhw angen” ar ôl i’r dref gael ei adael heb unrhyw fanc ar y stryd fawr.

Mae’r gwleidydd wedi rhoi ei gefnogaeth i alwad gan grŵp Plaid Cymru ar Gyngor Sir Ddinbych, i greu hwb bancio newydd.

Mae HSBC, Halifax, NatWest a Barclays wedi cau eu canghennau yn Ninbych, sydd yn adlewyrchu patrwm ar draws Cymru a gweddill y DU.

Mae’r patrwm yma wedi arwain at hwbiau banciau yn cael ei creu er mwyn galluogi pobl i gael mynediad i wasanaethau bancio angenrheidiol. Agorwyd hwb bancio yn Mrhestatyn yn Mis Rhagfyr 2023.

Datblygwyd y syniad am hybiau bancio can rwydwaith mynediad arian parod a ATM y DU, LINK.

Maent yn gweithredu mewn ffordd tebyg i ganghennau bancio traddodiadol, ond mae’r lleoliad yn cael ei rannu ac mae yna wasanaeth dros y cownter sydd yn cael ei weithredu gan aelodau staff y Swyddfa Bost.

Gall gwsmeriaid unrhyw fanc dynnu allan neu talu fewn arian parod, talu biliau, a gwneud trafodion arferol. Maent hefyd yn darparu ATM am ddim, a rhoi arian yn ôl heb brynu.  

Ar gyfer deilio gyda materion mwy cymhleth mae ganddynt lefydd preifat lle gall cwsmeriaid siarad gyda aelod o staff o’u banc eu hunain.

Mae aelodau staff a wahanol fanciau ar gael ar ddiwrnodau gwahanol.

Dywedodd Llŷr Gruffydd: “Mae banciau yn gadael y stryd fawr yn Ninbych wedi gadael nifer o bobl yn y dref a’r ardal lleol heb fynediad i’r gwasanaethau bancio mae nhw angen.

“Ni ddylai fod pobl lleol yn cael eu gorfodi i deithio am filltiroedd i wneud trafodion bancio arferol.

“Er ei fod yn wir i ddweud bod mwy o bobl yn defnyddio gwasanaethau bancio digidol, mae yna dal llawer iawn o bobl sydd yn cael trafferth gwneud hynny – yn enwedig pobl hyn.

“Mae hefyd angen cofio bod nifer o adwerthwyr annibynnol yn dibynnu ar ddefnyddio arian parod.

“Dyna pam rydw i yn cefnogi galwad grŵp Plaid Cymru ar Gyngor Sir Ddinbych am greu hwb bancio newydd yn Ninbych.

Dywedodd Cyng Delyth Jones, Arweinydd grŵp Plaid Cymru, ar Gyngor sir Ddinbych: “Ar ran grŵp Plaid Cymru ar y Cyngor hoffwn ddiolch i Llŷr Gruffydd am gefnogi creu hwb bancio newydd yn Ninbych.

“Mae cefnogaeth am greu hwb bancio yn y dre yn tyfu ac rydw i yn annog LINK i dalu sylw i hyn ac i ailfeddwl y penderfyniad u beidio creu un.

“Rydym wedi gweld Prestatyn yn cael un a dylai tref maint Dinbych gael un hefyd.”