Llyr Gruffydd AS Aelod o'r Senedd dros Ogledd Cymru

Mae’r newyddion bod meddygon ym mhractis Meddygfa Betws y Coed i ddod a’u cytundeb i ben ym mis Ebrill 2024 wedi arwain at ymateb gan y cyngor cymuned, cynghorydd sir yr ardal, yr Aelod Seneddol rhanbarthol a’r mudiad llais cleifion Llais.

Maent wedi cydweithio i gynnal cyfarfod cyhoeddus a fydd yn caniatáu i bobl leol roi eu barn a gofyn cwestiynau am y cynlluniau ar gyfer gwasanaethau gofal sylfaenol yn Nyffryn Conwy.

Cyhoeddodd Llŷr Gruffydd AS Gogledd Cymru, Cynghorydd Sir Conwy Liz Roberts a chynrychiolwyr Llais Gogledd Cymru a Chyngor Cymuned Betws y Coed y datganiad canlynol:

“Byddwn yn cynnal cyfarfod cyhoeddus Nos Lun, Ionawr 8fed am 7yh yn y Neuadd Goffa ym Metws y Coed ac rydym wedi gwahodd uwch benaethiaid Bwrdd Iechyd Prifysgol Betsi Cadwaladr (BIPBC) i ddod i glywed barn y gymuned leol.

“Mae hon yn ardal wledig gyda phoblogaeth oedrannus sydd angen cynnal practis meddyg teulu.  Y dewisiadau amgen posibl sy’n cael eu crybwyll i’r cleifion presennol yw teithio i Gerrigydrudion a Llanrwst, ond nid yw’r naill na’r llall yn hygyrch i lawer o gleifion y practis presennol, sy’n byw dros ardal ddaearyddol eang.  Mae yna hefyd fewnlifiad o ymwelwyr i Eryri trwy gydol y flwyddyn.  Mae angen ystyried hyn wrth edrych ar ddarpariaeth gwasanaethau gofal sylfaenol.

“Mae’n hollbwysig bod BIPBC yn ceisio recriwtio contractwr newydd, neu o fethu gwneud hyn, yn rhoi cynlluniau clir a chadarn ar waith i sicrhau fod parhad yn y gwasanaethau y mae’r gymuned hon eu hangen ac yn eu haeddu.  Rydym yn annog pobl i fynychu’r cyfarfod cyhoeddus ar 8 Ionawr ac i gymryd rhan yn y trafodaethau am eu darpariaeth gofal iechyd.”

Am fwy o wybodaeth cysylltwch a: