Llyr Gruffydd AS Aelod o'r Senedd dros Ogledd Cymru

Dydi o ddim yn rhy hwyr i HSBC wrthdroi y penderfyniad “annerbyniol” i gau ei linell ffôn Cymraeg, meddai AS.

Mae Llŷr Gruffydd, sydd yn cynrychioli Gogledd Cymru yn y Senedd, wedi erfyn ar y grŵp bancio i wneud tro pedol ar y penderfyniad i ddod a’r gwasanaeth i ben ar Ionawr 15.

Dywedodd y gwleidydd o Blaid Cymru bod gan y banc y cyfle i “wneud y peth iawn”.

Cafodd HSBC cael ei feirniadu’n chwyrn ar ôl gadael i wleidyddion wybod mewn llythyr y byddai ei linell ffôn Cymraeg yn cael ei ddiddymu.

Ysgrifennodd Bwyllgor Diwylliant, Cyfathrebu, y Gymraeg, Chwaraeon, a Chysylltiadau Rhyngwladol y Senedd at y banc yn ei gyhuddo o ddangos “dirmyg” tuag at siaradwyr Cymraeg.

Adiodd bod “methiant HSBC i gynnal dull sy’n cyd-fynd â'i werthoedd yn cael ei ystyried yn annidwyll ac yn annifyr”.

Cwestiynwyd be ddwedwyd gan José Carvalho, Pennaeth Cyfoeth a Bancio Personol HSBC a ymddangosodd i roi tystiolaeth o flaen y pwyllgor ar ddiwedd mis Tachwedd.

Dywedodd y banciwr bod y llinell gymorth Gymraeg yn derbyn tua 22 galwad y diwrnod a mai dim ond 6% o’r galwadau i’r yna oedd yn cael eu hateb yn Gymraeg.

Ond tarodd y pwyllgor yn ôl gan ddweud bod hyn yn golygu bod 94% o’r galwadau ddim yn cael eu hateb yn Gymraeg a bod hyn yn dangos methiant sylfaenol yng ngwasanaeth y banc.

Dywedodd y pwyllgor bod y nifer isel i’r llinell yn adlewyrchu “anallu” HSBC  i ddarparu gwasanaeth gweithredol a chyson sy'n diwallu anghenion ei gwsmeriaid Cymraeg eu hiaith.”

Dywedodd Llŷr Gruffydd AS: “Mae yna dal gyfle i HSBC wneud y peth iawn trwy wrthdroi y penderfyniad annerbyniol i ddiddymu ei linell ffôn Cymraeg.

“Dylai reolwyr HSBC gofio y bod nifer o’i cwsmeriaid yn defnyddio ei gwasanaethau bancio achos o’i llinell gymorth Cymraeg.

“Mae’r banc yn honni nad oes digon o alw am y llinell gymorth achos mai 22 galwad mae’n ei dderbyn y diwrnod ar gyfartaledd.

“Ond mae o’n gwbl glir o’r data sy’n dangos dim ond 6% o’r galwadau yna sydd yn cael eu hateb yn Gymraeg, nid ydynt yn dod yn agos i ddarparu gwasanaeth digonol.

“Dylai galwadau sy’n cael eu gwneud i’r llinell gymorth yn Gymraeg gael eu hateb yn Gymraeg. Does dim syndod bod nifer o siaradwyr Cymraeg wedi rhoi gorau ar ei ffonio.

“Yn lle diddymu’r gwasanaeth dylai HSBC fuddsoddi ynddo yn iawn am o leiaf 12 mis, gan sicrhau ei fod yn cael ei hysbysu yn iawn. Wedyn ar ddiwedd y cyfnod yna gall gwneud asesiad lot gwell ‘r galw.

“I nifer iawn o bobl dydi cael mynediad i’w banc trwy’r Gymraeg ddim yn ‘ddewis’ fel mae HSBC yn ei ddweud.

“Mae HSBC yn dweud eu bod nhw wedi ‘cadarnhau’ bod i gyd o’u cwsmeriaid yn medru bancio yn Saesneg. 

“Mae hyn yn agwedd sydd yn perthyn i ganrif arall. Mae o hefyd yn anwir, yn enwedig i nifer o bobl hyn a bregus.

“Cysylltodd etholwraig yn ddiweddar a oedd yn teimlo yn rhwystredig ar ôl i aelod o dim gofal cwsmeriaid HSBC ofyn iddi ailyrru neges Cymraeg yn Saesneg.

“Mae hyn yn un o nifer o esiamplau o ddiystyrwch llwyr HSBC tuag at siaradwyr Cymraeg.

“Fel siaradwr Cymraeg fy hun a fel aelod o Bwyllgor Diwylliant y Senedd rydw i’n rhannu’r rhwystredigaeth fy etholwyr.

“Mae nifer o gwsmeriaid HSBC yng Nghymru wedi gweld eu canghennau lleol yn cau hefyd dros y degawd diwethaf.

“Mae’r effaith ar gwsmeriaid hŷn HSBC yn hyd yn oed mwy sylweddol, yn o gystal ar bobl sydd heb fynediad i dechnoleg digidol.

“Er bod HSBC yn hoff o ddisgrifio ei hyn fel banc lleol y byd mae o’n hollol glir nid yw hyn yn wir yng Nghymru tra ei fod yn ymadael a siaradwyr Cymraeg ac yn ymadael ein strydoedd mawr trwy gau canghennau.”